Е Л А
Ғ А Л А Р Ы |
Есіркепов Жайық 1922 жылы Қаракеткен
ауылдық кеңесіне қарасты ауылда дүниеге келген.
1941-43 жылдары Ұлы Отан соғысына қатысып, ауыр жараланып
елге оралған. Келген бойда осы ауылдық кеңестің
хатшысы болған. 1945-46 жж.
«Еңбек» ауылдық кеңесінің төрағасы,
1947-51 жж. Молотов колхозының бас есепшісі, 1951-54 жж. аудандық
партия комитетінің нұсқаушысы, ал 1954-61 жж. «Игілік» балық
колхозының төрағасы, 1961-64 жж. Қазалы ауданына қарасты
Микоян балық колхозының төрағасы, ал 1964 жылдан
зейнетке шыққанша Қармақшы, Жалағаш аудандары
бойынша балық инспекциясының бас инспекторы қызметтерін атқарған.
Бірнеше жауынгерлік орден-медальдармен және ҚазССР Жоғарғы
кеңесі мен Қазақстан кәсіподақтары кеңесінің
Құрмет грамоталарымен марапатталған. Бірнеше мәрте
жергілікті кеңеске депутат, аудандық партия комитетінің мүшелігіне
сайланған. Өлке тарихы туралы – «Өмір өткелдері», Сәрке
батыр, Марал ишан, Жәрімбет, Түмен, Мәмбет әулиелер, Қалжан
ахун, Муса бақсы сынды бабалар жайлы кітаптар жазып ұрпаққа
баға жетпес мұра қалдырды. 2010 жылдың 1-қарашасынан бастап
ауылдың бір көшесіне осы кісінің есімі берілді. |