Мектеп тарихынан

М Е К Т Е П Т А Р И Х Ы Н А Н

Біздің мектеп 1932-33 оқу жылы Ж. Жабаев атындағы бастауыш мектеп болып ашылған.Сол жылы мектепте 30-дан астам оқушы оқыпты.
1939 жылдары мектеп жетіжылдыққа айналды
1941-1943 жылдары, Ұлы отан соғысы кезінде Қаракеткенге Москва маңынан детдом / балалар үйі/ көшіп келіп, мектеп аралас мектеп ретінде, онда орыс, украйн, кәріс және т.б ұлт балалары оқиды. 1943 жылы детдом қайта көшіп, мектеп бұрынғы қалпына келген.
1952-1953 оқу жылында ескі мектеп үйін су алып, сол жылы теміржолдың батыс бетінде жаңа мектеп үйі салынды. 60 жылдардың басында « Игілік » балық колхозы тарап, мектеп бастауышқа айналды. Көп ұзамай колхоз қайта құрылады.
1962 жылы колхоз қаржысымен бастауыш типтегі жаңа жеті жылдық мектеп үйі пайдаланылуға беріледі. Сәл кейін мектепке қосымша бөлмелер қосылып кеңейтіледі.
1964 -1965 оқу жылында мектеп сегізжылдық болып ашылады.
1974 жылы «Жалағаш» қой совхозының орталығы «Қаракеткенге » көшіп келеді.
1975 жылы мектеп жанынан шопан-бақташылардың балаларына арналып 25 орындық интернат үйі салынып пайдаланылуға беріледі.
1975-1976 оқу жылында №115 орталау мектебі №114 орта мектеп болып құрылады.
1982-1989 жылдары мектеп өндірістік оқулы орта мектеп ретінде жұмыс істейді. Оның оқу-өндірістік базасы нығайтылады. Осы жылдары оқушы саны 405-ке дейін жеткен
1988-1989 оқу жылында совхоз қаржысымен жаңа үш қабатты мектеп үйі салынып, 1 -қыркүйекте сабақ осы сәулетті, жарық та жақсы жабдықталған мектепте басталды. Мектептегі 5 бастауыш, 10 пәндік оқу кабинеттері, 185 орындық кинозал, спорт зал мен әртүрлі мақсатта пайдалануға болатын шеберханалар оқу тәрбие жұмысының жандануына негіз қалады.
1990-1991 оқу жылында мектепке « Корвет» ЭЕМ –нің оқыту комплектісі беріліп, соның нәтижесінде оқушылар « Информатика және есептеуіш техникасы негіздері » пәнін машиналық нұсқада оқып үйренуге кіріседі.
1992-1997 жылдары жаңа мектеп үйі жылымайтын болғандықтан оқу негізінен суық кездері ескі әрі тар мектеп интернаты үйінде жүргізілді.
1998-2001 жылдары мектеп үйі ұжымның күшімен жай жөндеуден өтіп, жекелеген оқу кабинеттеріне қазақы пеш салынып, жылытылды.
2001-2002 оқу жылында мемлекеттік бюджет есебінен 14 оқу бөлмелерін жылытатын 4 пеш салынды.
2001 жылы шілде айында мектеп жаңа үлгідегі 6/ алты/ -Pentium-II және Celeron-633 компьютерімен жабдықталды.
2003 жылы жазда мектептің төбесі бюджет есебінен шифрмен шатырланды.
Осы жылы мектепке « Petro Kazachstan» мұнай компаниясы демеушілік жасап, 4 соңғы үлгідегі компьютер, 1 лазерлік принтер және 1 ксерокс алып берді.
2004 жылғы желтоқсаннның 19-да мектеп компьютерлері халықаралық интернет жүйесіне қосылды.

Мектеп өміріндегі өрелі жетістіктерді білгілеріңіз келсе, ол мұнда

Мектеп жайлы толық мағлұмат алғыңыз келсе,

мына парақты ашыңыз